Mshambuliaji wa Simba Meddie Kagere mpaka ligi Kuu Tanzania Bara inasimama kutokana na janga la virus vya Corona, alikuwa amefunga mabao 19.
Idadi hiyo ya mabao ambayo Kagere amefunga, ni sawa na mabao ya wachezaji wanne katika kikosi cha watani zao Yanga
Katika kikosi cha Yanga, anayeongoza kwa ufungaji ni David Molinga raia wa DRC mwenye mabao nane, akifuatiwa na Patrick Sibomana kutoka Rwanda mwenye matano.
Wengine ni Bernard Morrison raia wa Ghana ameziona nyavu za wapinzania mara tatu, akiwa sawa na Mtanzania Tariq Seif.
Nyota hao wanne wa Yanga jumla wamefunga mabao 19 ambayo ni sawa na yale yaliyowekwa kambani na Kagere peke yake.
Kagere yuko kwenye nafasi nzuri ya kutwaa kiatu cha dhahabu katika msimu wa pili mfululizo
Katika msimu wake wa kwanza kwenye Ligi Kuu Bara, Kagere aliweza kuwa mfungaji bora baada ya kufunga mabao 23 na hivyo kuchangia Simba kutwaa ubingwa wa ligi hiyo 2018/19.
