Kocha Mkuu wa Simba Sven Vandenbroeck amewasisitizia wachezaji wake kutekeleza program za mazoezi aliyowaachia baada ya ligi kusimama
Nyota wote wa Simba wako majumbani kwao wakifanya mazoezi binafsi wakati huu Serikali ikiendelea na jitihada za kudhibiti ugonjwa wa corona ambao ni tishio duniani
Sven amesema ligi itakaporejea wanahitaji kuendeleza pale walipoishia kuhakikisha wanakamilisha azma yao ya kutwaa ubingwa mapema
"Tumewaelekeza wachezaji wetu kufanya mazaoezi huko makwao, ni muhimu ili tutakapokutana tena tusiwe na kazi kubwa ya kufanya. Kwa wale ambao watapuuza program tutawabaini, tutwachukuli hatua"
"Ligi ilisimama wakati tukiwa katika kiwango bora sana, tunapaswa kulinda kiwango hicho," alisisitiza Sven
Aidha Mbelgiji huyo amesema ni muhimu kwa TFF kutoa muda wa maandalizi kwa timu zote pale ligi itakaporejea kwani makocha watahitaji kuwaunganisha wachezaji ambao kwa sasa kila mmoja anafanya mazoezi kivyake
"Nadhani ligi itakaporejea tutahitaji kupewa angalau wiki mbili kuunganisha timu zetu, bila hivyo timu zitakuwa na wakati mgumu sana"
