Mchambuzi wa soka nchini Ally Mayay ambaye ni mmoja wa wajumbe wa Kamati ya ufundi ya klabu ya Yanga, amesema baada ya kutolewa kwenye michuano ya ligi ya mabingwa, timu hiyo inahitaji kufanyiwa maboresho ya kiufundi ili iweze kufuzu hatua ya makundi ya michuano ya kombe la Shiriksho
Yanga jana ilifungwa mabao 2-1 na Zesco United katika mchezo ambao pengine ungeamuliwa kwa changamoto ya mikwaju ya penati kama kiungo Abdulaziz Makame asingejifunga kwenye dakika ya 79
Mayay amesema Yanga inahitaji kupata matokeo kwenye mchezo mmoja wa play-off ili iweze kutinga makundi, lakini inahitaji maboresho na kiufundi
"Kwa kuwa timu inaenda katika play-off ya kombe la Shirikisho, na inahitaji kupata matokeo yatakayoivusha hatua na kuingia katika makundi, kiufundi kikosi kinahitaji kufanya maboresho ya kimfumo ili kuweza kupata matokeo na kutimiza malengo msimu huu 2019/2020," amesema
Wakati ikisubiri kumfahamu mpinzani wake wa kombe la Shirikisho, Yanga inarejea kwenye ligi kuu ambapo kulingana na ratiba, Oktoba 02 itacheza na Polisi Tanzania katika mchezo utakaopigwa uwnaja wa Uhuru
Hata hivyo mchezo huo huenda ukapigwa Oktoba 03
Mchezo utakaofuata ni dhidi ya Coastal Union nao ukipigwa uwanja wa Uhuru
