Wakala wa mshambuliaji hatari wa Simba Meddie Kagere amefichua kuwa klabu ya Levante inayoshiriki ligi kuu ya Hispania 'La Liga' imevutiwa na uwezo wa mtupia mabao huyo hatari ligi kuu ya Vodacom
Katika mahojiano na kipindi cha michezo cha Radio One, Patrick Gakumba amesema Levante imemuulizia Kagere ambaye wamedai kumuona kwenye mchezo wa kirafiki dhidi ya Sevilla
Hata hivyo Gakumba amesema wamelipotezea dili hilo baada ya kutoridhishwa na masharti yake. Amesema anasubiri kumalizana na Simba ili Kagere asaini mkataba mpya kuendelea kukipiga Msimbazi
"Levante wameniambia Meddie Kagere wamemfatilia na kumuona kwenye mechi ya Simba na Sevilla na wamemfuatilia akiwa Rwanda na Kenya akiwa mfungaji bora lakini tumeshindwana kidogo tu"
"Kwa sababu wao wanachotaka ni kwamba aende pale acheze mechi za majaribio lakini Meddie kagere sio wakucheza mechi za majaribio na pesa walizoniambia wanasema wanataka kwanza wamuangalie Muda wa miezi sita"
"Kagere sio mchezaji wa majaribio niliisha waambia nyinyi yule atacheza mpaka wale wanaomuita mzee watachoka. Walianza kumuita mzee miaka mitano iliyopita na kila wanapomwambia anafunga na mimi ninachoangalia ni magoli na siangalii umri,"alisema Gakumba
