Kocha mkuu wa timu ya Simba, Sven Vandenbroeck ameliomba Shirikisho la soka Tanzania (TFF) liwape muda wa wiki mbili kujiandaa ligi ikirejea baada ya kumalizika kwa mlipuko wa homa ya virusi vya Corona.
Mbelgiji huyo amesema anafahamu wachezaji hawatakuwa na muunganiko sawa kwakua watakuwa hawajapata muda wa kufanya mazoezi ya pamoja kutokana na kusimama kwa ligi. Ligi kuu ya Vodacom
Michezo yote nchini imesimama kwa wiki ya tatu sasa kutokana na mlipuko wa homa ya virusi vya Corona ambayo inazidi kutikisa dunia kila kukicha.
"Nadhani tunahitaji kupewa wiki mbili za kujiandaa kufanya mazoezi ya pamoja baada ya hali kuwa shwari ili wachezaji wawe na muunganiko na ushindani uwe mkubwa kama ilivyokuwa mwanzoni," alisema Sven.
Mpaka ligi hiyo inasimama Simba ilikuwa ipo kileleni mwa msimamo ikiwa na pointi 71 baada ya kucheza mechi 28 ikisalia na michezo 10.
