Vigogo wa klabu ya Simba wanatarajiwa kukutana leo kujadili mikakati mizito na kuwekana sawa mipango ya klabu hiyo kuelekea msimu wa 2020/21
Kikao hicho kitahusu mikakati ya mechi zilizosalia, usajili mpya na hatma ya mastaa wao walioko nje ya nchi kwani hata katika kikao cha leo walipaswa kuwepo
Awali uongozi ulipanga wachezaji wote wawepo kwenye kikao cha leo lakini kutokana na baadhi yao kushindwa kuripoti Dar kwa wakati wameamua viongozi wakutane wenyewe kwanza halafu wawape muongozo wachezaj
Tayari siku saba ambazo waliwapa mapumziko wachezaji mapumziko zimemalizika na leo watakubaliana muongozo mpya ili kuhakikisha hawapotezi uelekeo wa ubingwa na mikakati yao
Kwa upande wa mikakati ya kambi, wachezaji walio nje ya nchi Meddie Kagere (Rwanda), Luis Miquissone (Msumbuji), Francis Kahata (Kenya) na Clatous Chama (Zambia) wapo makwao ambapo baadhi watashindwa kurejea kwa wakati kutokana na serikali za nchi yao kuzuia safari za nje
Endapo baadhi watafanikiwa kuingia nchini basi watalazimika kuwa chini ya uangalizi kwa siku 14 jambo ambalo Afisa Mtendaji Mkuu wa Simba, Senzo Mazingisa amesema wanakubalina na agizo la serikali kwamba mtu yoyote atakayeingia nchini lazima akae karantini
