Beki wa kushoto wa Simba na timu ya Taifa Gadiel Michael juzi aliiongoza Simba akiwa nahodha kwenye mchezo wa kombe la Shirikisho (ASFC) dhidi ya Stand United ambao ulimazika kwa Simba kushinda kwa mikwaju ya penati 3-2 baada ya matokeo ya sare ya bao 1-1
Baada ya kukosa mechi kadhaa, Kocha Mkuu wa Simba Sven Vandenbroeck alimrejesha Gadiel kwenye kikosi cha kwanza pamoja na kumpa kitambaa cha unahodha
Gadiel amesema ilikuwa heshima kubwa kwake baada ya kocha kumpa jukumu la kuwaongoza wenzake kwenye mchezo huo
"Nilijisikia furaha sana maana sio jambo dogo kupewa kitambaa kuongoza timu. Nadhani kujituma na nidhamu niliyokuwanayo ndio sababu ya kocha kunipa nafasi ya kuongoza na sikutegemea wala sikuwahi kufikiria kama ipo siku nitakuja kuvaa kitambaa," amesema Gadiel
Gadiel alijiunga na Simba mwezi Juni akitokea klabu ya Yanga sambamba Beno Kakolanya na Ibrahim Ajib
