Mchezaji wa KMC, Sadala Lipangile ameshinda tuzo ya mchezaji bora wa Januari huku kocha wa Azam, Aristica Cioaba akicheza tuzo ya kocha bora wa mwezi huo.
Kwa mujibu wa taarifa iliyotolewa na Shirikisho la Soka Tanzania (TFF), Lipangile ameshinda tuzo hiyo baada ya kuwashinda kiungo wa Simba, Hassan Dilunga na beki wa Azam, Nicolaus Wadada.
Nyota huyo wa KMC, Lipangile ameweka mfukoni Shilingi milioni moja pamoja na king'amuzi cha Azam Tv.
Kocha wa Azam Fc, Cioaba ameshinda tuzo hiyo akiwabwaga Sven Vandenbroeck wa Simba na Malale Hamsini wa Polisi Tanzania alioingia nao fainali.
Kocha huyu amekuwa bora katika mwezi Januari baada ya kuiongoza Azam katika michezo mitano akishinda minne na mmoja akitoka sare.
Tuzo hii inakuwa ya pili kwa kocha huyu baada ya tuzo ya kwanza kuchukua Novemba mwaka jana.
