Sven ataja kilichopunguza kasi ya Simba mechi dhidi ya Namungo Fc

Kocha Mkuu wa Simba Sven Vandenbroeck amesema vijana wake hawakucheza vizuri mchezo dhidi ya Namungo Fc pamoja na kuibuka na ushindi wa mabao 3-2

Mbelgiji huyo amesema wachezaji walionekana kuwa wamechoka 'fatigue' lakini muhimu zaidi walihitaji alama tatu ambazo walizipata

Aidha Vandenbroeck amekiri kuwa bado wana changamoto na safu ya ulinzi kwani makosa yaleyale yanajirudia

"Hatukuwa na mchezo mzuri pamoja na kuwa tumeshinda. Wachezaji wangu walionekana kuchoka na kupelekea kufanya makosa mengi. Bado tuna tatizo na safu yetu ya ulinzi, tunaendelea kurekebisha makosa," alisema Vandenbroeck

Simba inaendelea na mazoezi leo kujiandaa na mchezo unaofuata dhidi ya Coastal Union keshokutwa Jumamosi