Mwekezaji wa klabu ya Simba Bilionea Mohammed Dewji 'Mo' ambaye ni Mwenyekiti wa Bodi ya Wakurugenzi, amewapongeza wachezaji wa Simba kwa kufanikiwa kuibuka na ushindi wa mabao 4-1 dhidi ya Alliance Fc jana katika mchezo wa ligi kuu
Katika mchezo huo uliopigwa uwanja wa CCM Kirumba, Smba ilitokea nyuma na kupata ushindi huo muhimu uliowafanya wafikishe alama 41
Mo ameeleza kufurahishwa na upambanaji ulioonyeshwa na wachezaji mpaka kupelekea wakaondoka na alama zote tatu
"This is Simba!, pamoja na kuw anyuma kwa bao moja wachezaji wlaionyesha upambanaji wa hali ya juu. Mungu awabariki wachezaji wa Simba, benci la ufundi, viongozi pamoja na mashabiki wetu," alisema Mo
Baada ya ushindi huo, kikosi cha Simba kinarejea jijini Dar es salaam tayari kwa ajili ya mchezo wa raundi ya nne kombe la FA dhidi ya Mwadui Fc
Mchezo huo utapigwa Alhamisi, Januari 23 kwenye uwanja wa Uhuru
