Kocha Mkuu wa Simba Sven Vandenbroeck amevutiwa na uwezo wa kiungo mshambuliaji Luis Miquissone ambaye yuko karibu kutua Msimbazi
Inaelezwa uongozi wa Simba kabla ya kumalizana na mchezaji huyo, walimpa nafasi Sven kujiridhisha na uwezo wake kupitia mikanda ya video ya mechi alizocheza akiwa na klabu yake na Mamelodi Sundowns na UD Songo alikokuwa amepelekwa kwa mkopo
"Kocha amemuangalia, ameridhishwa na uwezo wake, ameagiza usajili wake ukamilishwe haraka ili aungane na timu," kilieleza chanzo cha habari
Simba ayari imeshamalizana na Miquissone ambapo hivi karibuni Mtendaji Mkuu wa timu hiyo Senzo Mazingisa alisema wanasubiri wakati muafaka wamlete nyota huyo
Huenda Miquissone akatua kabla ya mchezo dhidi ya Yanga ambao utapigwa Januari 04 kwenye uwanja wa Taifa
