Msemaji wa klabu ya Simba Haji Manara amekuja na 'slogan' ya 'One Touch' kuelekea mchezo wa ligi kuu ya Vodacom dhidi ya Yanga
Mchezo huo utapigwa Januari 04 2020 kwenye uwanja wa Taifa
Tayari shamrashamra kuelekea mchezo huo zinashika kasi
Manara amesema hana wasiwasi na kikosi cha Simba kwani anajua siku hiyo utapigwa mpira mwingi
"Siku hiyo utapigwa mpira mwingi sana halafu mipasi kuliko yote..! Game hii slogan yetu ni ONE TOUCH," ametamba Manara
Simba itakuwa mwenyeji wa mchezo huo na kwa mwenendo wanaokwenda nao chini ya kocha mpya Sven Vandenbroeck, matumaini ni makubwa kwa Wanamsimbazi, siku hiyo kalamu ya mabao inaweza kushuhudiwa
Simba inajivunia rekodi ya kupata ushindi mnono zaidi dhidi ya watani zao Yanga miaka ya hivi karibuni
Ilikuwa mwaka 2012 mabingwa hao wa nchi walipoibuka na ushindi wa mabao 5-0 katika mchezo uliopigwa uwanja wa Taifa
Wengi wanatamani kuona rekodi hiyo au ile ya mwaka 1976 ya ushindi wa mabao 6-0 ikirudiwa Januari 04 2020
