Simba kunogesha Krismasi uwanja wa Uhuru

Kikosi cha mabingwa wa soka Tanzania Bara Simba leo jioni kinashuka kwenye uwanja wa Uhuru kumenyana na Lipuli Fc ukiwa ni mchezo wa ligi kuu ya Vodacom

Mabingwa hao wa nchi wanashuka dimbani kunogesha sikukuu ya Krismasi ambayo Wanasimba watakuwa miongoni mwa wanaosherehekea

Hii itakuwa nafasi nyingine kwa Simba kuzidi kujichimbia kileleni mwa msimamo wa ligi kama wataweza kuibuka na ushindi

Aidha mchezo huo utakuwa wa kwanza (kwenye ligi) kwa benchi jipya la ufundi linaloongozwa na Sven Vandenbroeck akisaidiana na Selemani Matola

Mchezo utaanza saa kumi kamili Alasiri

Meneja wa Simba Patrick Rweyemamu amesema timu ilikamilisha maandalizi yake salama jana na wako tayari kuwapa furaha mashabiki wao leo