Kocha Mkuu wa mabingwa wa soka nchini Sven Vandenbroeck amewataka wachezaji wote kukaa kambini hata kama hawapo katika programu zake huku akiwataka viongozi kutotoa ruhusa zisizo na maana kwa wachezaji wake
Vanderbroeck ametaka masuala yote yanayohusu wachezaji wake yapitie kwake
“Kocha ametaka wachezaji wasipewe ruhusa kabla ya yeye kupewa taarifa na kuridhia kulingana na tatizo la mchezaji"
“Lakini pia wachezaji wote hivi sasa watakuwa kambini hata kama hawapo kwenye programu za kocha ili kupunguza nafasi ya wao kufanya mambo yanayowaathiri mchezoni na ameweka wazi hayupo tayari kumvumilia mvivu katika mazoezi,” kilisema chanzo cha habari.
Simba inaendelea na mazoezi katika uwanja wa Mo Simba Arena kikijiandaa na michezo ya mashindano ya Azam Federation Cup dhidi ya Arusha United mwishoni mwa wiki hii.
Mbali na mechi hizo lakini pia Wekundu wa Msimbazi wanakabiliwa na michezo ya Ligi Kuu Tanzania Bara dhidi ya Lipuli, KMC, Ndanda FC kisha watakutana na Yanga Januari 4, mwaka huu.
