Nahodha Msaidizi wa Simba Mohammed Hussein 'Zimbwe Jr', amemuaga aliyekuwa kocha mkuu wa timu hiyo Patrick Aussems aliyefutwa kazi jana
Kupitia ukurasa wake wa mtandao wa Twitter, Zimbwe Jr amekuwa mchezaji wa kwanza wa Simba kumuaga kocha huyo aliyeisaidia Simba kutetea ubingwa wa ligi kuu msimu uliopita pamoja na kufika robo fainali ya michuano ya ligi ya mabingwa barani Afrika
"Tunakushukuru kwa kila kitu, tunakutakia kila la kheri huko uendako," aliandika Zimbwe Jr
Nyota wengine waliotumia kurasa zao za mitandao ya kijamii kumuaga Aussems ni Clatous Chama na Jonas Mkude ambao wanatajwa kuwa wachezaji na rafiki zake zaidi
Inaelezwa kutimuliwa kwa Aussems kumewashtua baadhi ya wachezaji kwani hawakutarajia kama uamuzi huo ungefikiwa
Tukio hilo pia limeibua sintofahamu miongoni mwa mashabiki lakini ni uamuzi ambao imeelezwa umechukuliwa kwa maslahi mapana ya klabu ya Simba
