Kocha Mkuu wa Simba Patrick Aussems amesema kukosekana kwa baadhi ya nyota wake, kumechangia kupoteza mchezo wa kirafiki dhidi ya KMC hapo jana
Simba ilifungwa mabao 2-1 na KMC katika mchezo ambao haikuonekana kuwa na makali yaliyozoeleka
"Ulikuwa ni mchezo ambao sisi kwetu ilikuwa program ya mazoezi. Tuliwakosa wachezaji wetu wengi ambao wako na timu za Taifa"
"Uchache wa wachezaji ilikuwa changamoto kwetu, baadhi walilazimika kucheza kwa dakika zote 90 licha ya kuwa walikuwa wamechoka"
"Baada ya mchezo huu tunaendelea na maandalizi ya mchezo wa ligi Novemba 24, hatutakuwa na mchezo mwingine wa kirafiki," alisema Aussems
Agoma kumzungumzia Wilker
Mshambuliaji raia wa Brazil Wilker Da Silva hakuwa na mchezo mzuri jana, hata hivyo Aussems alipoulizwa na Wanahabari tatizo la mshambuliaji huyo aligoma kumzungumzia
"Siko hapa kuzungumzia kiwango cha mchezaji mmoja mmoja," alisema Aussems
Inaelezwa Wilker huenda akaachwa dirisha dogo Simba ikiwa tayari imeanza mchakato wa kusaka mshambuliaji mwingine
Kwani kwa sasa inalazimika kumtegemea Meddie Kagere kutokana na John Bocco kuendelea kuwa majeruhi
