Aliyekuwa Mtendaji wa Simba Crescentius Magori ambaye sasa ni mshauri binafsi wa Mwenyekiti wa Bodi ya Wakurugenzi Mo, amependekeza Simba kukamilisha michakato yake ya usajili wakati wa usajili wa dirisha dogo
Magori ametoa maoni hayo yakiwa na lengo la kwendana na mabadiliko ya kalenda ya CAF hasa kwa michuano ya ligi ya mabingwa na kombe la Shirikisho
Msimu huu Simba ilitolewa hatua ya awali michuano ya ligi ya mabingwa, sababu kubwa iliyotajwa kuiponza Simba ni mabadiliko hayo kwani ilianza michuano huku ikiwa haijacheza mechi hata moja ya ligi
UD Songo iliyoitoa Simba, ilikuwa tayari imecheza mechi saba za ligi kuu Msumbiji
Magori amesema Simba iliongeza nyota wengi wapya lakini hawakuwa na muda wa kutosha kuingia kwenye mfumo wa Mwalimu kabla ya michuano hiyo kuanza
Amesema kama usajili utafanyika mapema, baada ya ligi kumalizika timu haitakuwa na mabadiliko makubwa kuelekea michuano hiyo mikubwa barani Afrika kwa ngazi ya vilabu
