Kikosi cha Simba kimewasili mapema leo mkoani Kagera tayari kwa mchezo wa ligi kuu ya Vodacom dhidi ya Kagera Sugar ambao utapigwa kesho Alhamisi
Jioni Simba imetumia uwanja wa Kaitaba kufanya maandalizi yake ya mwisho kuelekea mchezo huo ambao utapigwa hapo Kaitaba
Licha ya mashabiki wengi kujitokeza kushuhudia mazoezi hayo, hawakuweza kwani uongozi wa Simba haukuruhusu mashabiki kuingia uwanjani ili kuepuka hujuma
Kagera Sugar imekuwa ikitoa upinzani kwa Simba misimu ya karibuni, hali hiyo imepelekea mabingwa hao wa Tanzania Bara kuuchukulia mchezo huo kwa umakini
Uongozi wa mkoa wa Kagera umeipa maadalizi maalum timu ya Kagera Sugar ili kuhakikisha inapata ushindi kesho
Inaelezwa hapo kesho timu hiyo itasindikizwa uwanjani na msafara wa Mkuu wa Wilaya ya Bukoba
