Kocha Mkuu wa Yanga Mwinyi Zahera ameeleza kusikitishwa na kitendo cha wachezaji wa timu hiyo kugomea mazoezi leo asubuhi huku wakifanya tukio hilo bila ya kumshirikisha
Zahera amesema hakutarajia mgomo hasa ukizingatia muda uliobaki ni mdogo ligi kumalizika
Aidha kocha huyo raia wa DR Congo amebainisha kuwa kama wachezaji wangemshirikisha angeweza hata kuwalipa fedha yeye mwenyewe wakati wakisubiri kukamilishwa kwa stahiki zao
"Ni kweli wachezaji leo waligomea mazoezi, inanishangaza sana wamegoma kisa tuna matatizo ya mishahara na bonus"
"Leo tukiwa tunajiandaa kuanza mazoezi niliwaambia sasa hivi nawapigia viongozi simu ili kesho waje wote mazoezini waonane na wachezaji"
"Wachezaji wakasema kuwa viongozi hawatofika, nikawahakikishia wachezaji wangu kuwa kesho viongozi watafika na endapo wasipofika basi keshokutwa wao watakuwa huru kufanya kilicho sahihi kwao"
"Wachezaji wote walikuwa wamekaa ng'ambo ya pili, mimi napiga filimbi waje nawaona Juma Abdul na Ajib wanavuka uwanja wanaenda ng'ambo wakaungana na wachezaji wengine.
"Mimi nawaita wao kumbe wanafanya kikao mara nasikia aaah tusiende bana kocha atatuambia hivi na vile"
"Kisha wakaanza kupanda magari yao wengine wakapanda pikipiki na kuondoka"
"Saa nne na nusu viongozi wakafika! na kesho kama kuna mchezaji hatofika basi asahau kuichezea tena Yanga"
"Kama wangenishirikisha ningekuwa tayari nikachukue hela zangu Congo niwape ila wamefanya vitu ya ovyo sana"
"Kila kitu wanakifahamu na haya matatizo ni toka mwaka jana mwezi wa sita yapo na wanaona jitihada za kujikwamua zinafanyika tatizo kubwa wachezaji wengi hawana malengo ya mbali kisoka"
