Mwenyekiti wa Bodi ya Wakurugenzi ya Simba Mohammed Dewji 'Mo' amewataka wapenzi, wanachama na mashabiki wa timu hiyo kujitokeza kwa wingi uwanja wa Taifa kesho katika kilele cha Sportpesa Simba Week
Akizungumza leo kwenye uwekaji jiwe la Msingi uwanja wa Simba Bunju, Mo amesema kesho ni siku muhimu kwa Wanasimba kuonyesha ukubwa wa klabu yao
Aidha Mo amesema Waziri Mkuu wa Jamhuri ya Muungano wa Tanzania Mh Kassim Majaliwa ataungana na Wanamsimbazi katika tukio hilo la kihistoria
"Nawaambia Wanasimba wote, kesho ndio kesho, tukaujaze uwanja wa Taifa ili kuwaonyesha Watanzania ukubwa wa klabu yetu," amesema
"Waziri Mkuu wetu Mh Majaliwa Kassim Majaliwa ataungana nasi katika sikukuu yetu rasmi"
Katika hatua nyingine, Mo amesema kuwa wamekubaliana na Bodi ya klabu hiyo kuwa kutakuwa na Gala itakayohudhuriwa na mashabiki zaidi ya 500 kwa ajili ya kuchangia hasa katika uboreshaji wa viwanja vilivyozinduliwa leo
