TFF yakusudia kupunguza timu Ligi Kuu

Kupitia ukurasa rasmi wa mtandao wa Twitter, Shirikisho la Mpira wa Miguu Tanzania (TFF), limebainisha kusudio la kupunguza idadi ya timu zinazoshiriki ligi kuu kutoka 20 mpaka 16 msimu wa 2021/22

TFF imeeleza kufikia uamuzi huo baada ya kufanya tathmini ya kina kuhusu mwenendo wa ligi yenye timu 20

Kuna uwezekano mkubwa misimu miwili ijayo, timu nne zitashuka daraja na timu mbili kupanda kutoka Ligi Daraja la kwanza

Moja ya changamoto iliyoikabili TFF msimu uliopita baada ya kuongeza idadi ya timu, ni kukosekana kwa Mdhamini wa ligi

Kampuni ya Vodacom iliyokuwa ikiidhamini ligi hiyo kwa zaidi ya misimu mitano ilijitoa

Msimu huu TFF imethibitisha kuwa ligi itakuwa na mdhamini na atatangazwa August 15