Msako wa wachezaji Simba B waanza

Mchakato wa kukiunda upya kikosi cha timu ya vijana ya Simba chini ya umri wa miaka 20, 'Simba B', umeanza uwanja wa Kurasini jijini Dar es salaam

Wachezaji wenye vipaji ambao umri wao ni chini ya miaka 20 wameaswa kujitokeza kwa wingi katika mchakato huo ambao unasimamiwa na viongozi wa Simba

Msimu ujao Simba imedhamiria kuwa na vikosi imara kuanzia timu ya wakubwa, timu ya U20 na timu ya Wanawake maarufu kama Simba Queens

Timu ya kwanza ya Simba iko Afrika Kusini ikiendelea na maandalizi ya msimu mpya wakati Simba Queens iko Ujerumani kwenye mualiko maalum ambapo itakuwa huko kwa wiki mbili