Kaheza apelekwa Polisi Tanzania kwa mkopo, Mo Rashid JKT Tanzania

Washambuliaji wa Simba Marcel Kaheza na Mohammed Rashid watamaliza mikataba yao wakiwa nje ya klabu hiyo baada ya kuendelea kutolewa kwa mkopo

Mo Rashid aliyeitumikia KMC kwa miezi sita msimu uliopita, amepelekwa klabu ya JKT Tanzania wakati Marcel Kaheza aliyecheza AFC Leopards msimu uliopita amepelekwa klabu ya Polisi Tanzania

Licha ya kuonyesha ubora kwenye kikosi cha AFC Leopards, Kaheza ameshindwa kupenya kwenye kikosi cha Simba kutokana na usajili kabambe uliofanywa na timu hiyo

Wachezaji wengine waliotolewa kwa mkopo ni Adam Salamba aliyejiunga na TS Sporting inayoshiriki ligi daraja la kwanza nchini Afrika Kusini

Mohammed Ibrahim 'Mo' yeye amepelekwa Namungo Fc

Wengine ni Paul Bukaba na Abdul Athumani wa timu ya vijana ya U20