Mtendaji Mkuu wa klabu ya Simba Crescentius Magori amesema timu hiyo imekamilisha usajili wa wachezjai wa kikosi cha kwanza kwa asilimia 99 ikiwa imesajili wachezaji 26
Akizungumza na waandishi wa habari mapema leo, Magori amesema bado hawajakamilisha usajili wa mchezaji mmoja tu
"Tumesajili jumla ya wachezaji 26, kikosi Cha kwanza, wachezaji wameelekea Afrika Kusini na wengine wakikamilisha pasi zao basi na wao watasafiri kuwafata wenzao," amesema
"Lakini katika usajili unaweza kusema kama usajili umekamilika ingawa imebaki nafasi moja lakini niwaombe mashabiki wavute subra"
Magori amesema pia Simba itasajili wachezaji wa kikosi cha timu ya vijana pamoja na timu ya Wanawake, Simba Queens
Aidha Magori amesema Simba itacheza michezo mitatu ya kirafiki huko Afrika Kusini ilikoweka kambi
Mchezo wa kwanza utapigwa Julai 23 2019
"Timu ipo kambini na inaendelea na mazoezi lakini kwenye program yetu tunarajia kucheza Michezo mitatu ya kirafiki kabla ya kurejea Nyumbani na mchezo wetu wa kwanza tutacheza Tarehee 23/7/2019"
Katika hatua nyingine, Magori amesema Simba itakuwa na jezi za aina tatu tofauti ili kukidhi matakwa ya mashindano ambayo timu hiyo itashiriki
"Tukija kwenye upande wa jezi, Simba tunataka tuwe na jezi tatu kutokana na matakwa ya Caf, Jezi nyekundu Nyumbani, jezi jeupe na Kijivu zenyewe zitakuwa zikitumika ugenini"
