Wakati mashabiki wa Simba wakitamba kuwa Feb 16 watamaliza machungu ya kufungwa mabao 10 katika michezo miwili ya ligi ya mabingwa, uongozi wa klabu hiyo unadaiwa kuandika barua kwa Bodi ya ligi ukiomba mchezo wa watani wa jadi uliopangwa kupiga Feb 16 uahirishwe
Simba ambayo ilikuwa 'likizo' ya kutoshiriki michezo ya ligi kuu kutokana na ushiriki wake wa michuano ya ligi ya mabingwa, itacheza na Mwadui Fc Februari 07 kabla ya kuumana na Al Ahly Februari 12 katika uwanja Taifa
Wakati huo huo kikosi cha Yanga kitawasili leo mkoani Singida tayari kuwakabili Singida United katika mchezo wa ligi kuu utakaopigwa Jumatano, Februari 06 2019
Baada ya mchezo huo Yanga itarejea tena jijini Tanga kuikabili JKT Tanzania Februari 09 2019
Kulingana na ratiba hiyo baada ya kumaliza mchezo dhidi ya JKT Tanzania, Yanga haitashuka tena dimbani mpaka Februari 16 itakapoumana na Simba
