Kichiba atajwa kuchukua nafasi ya Kwasi

Simba huenda ikamsajili beki wa Mwadui Fc Emmanuel Kichiba kuchukua nafasi ya Asante Kwasi ambaye inaelezwa anaachwa

Kocha Mkuu wa Simba Patrick Aussems alipendekeza kusajiliwa kwa beki mwingine wa kushoto atakayesaidiana na Mohammed Hussein 'Tshabalala' ambaye hivi karibuni aliongeza mkataba wa miaka miwili kuendelea kubaki Msimbazi

Aussems hakuridhishwa na uwezo wa Mghana Kwasi ambaye alikosa kabisa nafasi kwenye kikosi chake

Kichiba amemaliza mkataba kunako klabu ya Mwadui Fc, aliitumikia Simba kwenye mchezo wa kirafiki dhidi ya Gwambina Fc uliofanyika wiki iliyopita Wilayani Misungwi mkoani Mwanza

Hata hivyo imefahamika kuwa beki huyo hakuwa amesaini mkataba