Uongozi wa Simba umemalizana na nyota wawili wa kigeni ambao inaelezwa wako jijini Dar es salaam kukamilisha taratibu za usajili
Nyota hao mmoja ni raia wa Brazil na mwingine wa raia wa Sudan ambaye anacheza nafasi ya kiungo
Beki wa Brazil
Jina lake ni Gerson Viera, beki kisiki mwenye umri wa miaka 26 ambaye alizaliwa Porto Alagre huko Brazil.
Huyu ndiye hasa ambaye uongozi wa Simba ulimuweka kwenye ukurasa wake wa mtandao wa kijamii jana saa saba mchana ambaye sura yake ilileta mkanganyiko na yule mshambuliaji wa Kaizer Chiefs Ryan Moon ambaye wasifu wake hauendani kusajiliwa na mabingwa hao wa Tanzania Bara
Viera alikuwa akicheza klabu ya Atletico de Kolkata ya India akiisaidia timu hiyo kutwaa ubingwa wa nchini humo mara mbili
Kabla ya kuondoka Brazil kusaka maisha kwingine, Viera aliichezea kwa mafanikio klabu maarufu ya Gremio ambayo ilitoa nyota kama Neymar, Coutinho, Casemiro na wengine kibao
Ni mchezaji aliyepata mafanikio makubwa sana ligi kuu ya India na bila shaka kitengo cha kusaka wachezaji cha klabu ya Simba (scouting) kimefanya kazi yake vizuri kum-baini mchezaji huyu kutoka nje ya bara la Afrika
