Simba yawasili Singida, tayari kutetea ubingwa kesho

Kikosi cha Simba kimewasili salama mkoani Singida tayari kwa mchezo dhidi ya Singida United utakaopigwa kesho Jumanne katika uwanja wa Namfua

Simba iliondoka mapema leo jijini Dar es salaam kwa usafiri wa ndege mpaka Dodoma ambapo ilitumia usafiri wa basi la kukodi (Shabiby) kuelekea mkoani Singida

Mchezo wa kesho una umuhimu wa kipekee kwa mabingwa hao watetezi kwani matokeo ya ushindi au sare yataihakikishia Simba kutwaa ubingwa kwa msimu wa pili mfululizo

Shamra shamra za ubingwa tayari zimeshaanza kila kona, bila shaka kesho itakuwa siku ya kuzihalalisha rasmi