Mshambuliaji wa Simba Meddie Kagere msimu wake wa kwanza umekuwa na mafanikio mpaka sasa akiongoza kwa kupachika mabao katika michuano yote
Kagere ameifungia Simba mabao 11 kwenye ligi kuu ya Tanzania Bara, jana akifunga mabao mawili katika ushindi wa mabao 3-1 dhidi ya Azam Fc
Katika michuano ya ligi ya mabingwa barani Afrika, Kagere anashika nafasi ya pili kwenye orodha ya vinara wa ufungaji akiwa amefunga mabao manne kuanzia raundi ya kwanza ya michuano hiyo
Lakini jambo kubwa analolifanya Kagere ambalo linainufaisha sana Simba ni mabao yake anayofunga kwenye michezo muhimu
Katika kipindi cha mwezi mmoja Kagere amefungia Simba mabao sita kwenye michezo muhimu
Aliifungia Simba mabao mawili katika ushindi wa mabao 3-0 dhidi ya JS Saoura, akafunga bao la ushindi katika mchezo dhidi ya Al Ahly na akarudia tena dhidi ya Yanga.
Jana akafunga tena mabao mawili kuipa Simba ushindi wa mabao 3-1 dhidi ya Azam Fc
Simba haikukosea kumsajili mshambuliaji huyo wa Kimataifa wa Rwanda aliyekuwa akiitumikia Gor Mahia ya nchini Kenya
