Kocha wa Yanga Mwinyi Zahera amesema ubora wa kikosi cha Simba ndio sababu iliyopelekea timu yake kukubali kichapo cha bao 1-0 katika mchezo uliopigwa uwanja wa Taifa leo
Zahera aliyekuwa akizungumza sana kuelekea mchezo huo, amelazimika kukiri kuwa ubora wa Simba kwa sasa hauwezi kulinganisha na timu yake
"Mara nyingi nimekuwa nikiwaambia waandishi wa habari kuwa Simba wana timu nzuri. Tumepoteza mchezo wa leo kwa sababu hiyo," amesema Zahera
Naye Kocha Mkuu wa Simba Patrick Aussems amesema waliingia katika mchezo huo wakiwa na malengo ya kuibuka na ushindi, amefurahishwa na matokeo hayo
"Lengo letu ilikuwa ni kupata alama tatu sababu ulikuwa mchezo muhimu, tulicheza vizuri na kiukweli tulistahili kushinda. Muhimu tumepata ushindi na kwakweli nimefurahi," amesema Aussems
Ushindi wa leo umeendelea kudhihirisha umwamba wa Simba dhidi ya wapinzani wao hao wa jadi.
Yanga haijaonya radha ya ushindi dhidi ya Simba kwa msimu wa tatu mfululizo sasa
Mara ya mwisho Yanga kuifunga Simba ilikuwa msimu wa 2015/16 wakati huo ikinolewa na Hans van Pluijm ambaye kwa sasa ni kocha wa Azam Fc
