Mwenyekiti wa zamani wa Simba Ismail Aden Rage amesema haoni kama Yanga itaweza kunusurika na kipigo kutoka kwa Simba kwenye mchezo wa ligi kuu ya Tanzania Bara keshokutwa
Rage amesema anaamini ushindi wa bao 1-0 iliyopata Simba dhidi ya Al Ahly juzi umeongeza 'moto' kuelekea mchezo huo
"Ili Yanga watuheshimu tunatakiwa kuwafunga mabao 6-0 heshima itakuwepo wanatakiwa kutambua kuwa sisi tuna timu bora na ndio timu pekee ambayo inaiwakilisha nchi vizuri katika mashindano ya Klabu Bingwa," amesema.
"Wachezaji wa Simba wanapaswa kuacha kulewa sifa za ushindi walioupata na kuwadharau Yanga, waendelee na maandalizi mazuri."
Kikosi cha Simba chini ya kocha Mkuu Patrick Aussems ambaye sasa atasaidiwa na Denis Kitambi kimejichimbia jijini Dar es salaam kikiendelea na maandalizi ya mchezo huo
Tangu kutua kwa Aussems, Simba imeachana na utaratibu wa kuweka kambi nje ya jiji la Dar es salaam kujiandaa na mchezo dhidi ya Yanga
