FT : Simba 1-1 Lipuli

Mchezo wa ligi kuu ya Vodacom mzunguuko wa 11 kati ya Simba dhidi ya Lipuli umemalizika kwa sare ya bao 1-1.

Mchezo huo uliopigwa kwenye dimba la Uhuru uliishuhudia Simba ikishindwa kujiimarisha kileleni kwa kuzoa alama zote tatu.

Iliuanza mchezo huo kwa kasi na Mwinyi Kazimoto aliifungia bao la kuongoza kwenye dakika ya 15 baada ya kuvunja mtego wa kuotea na kuiwahi pasi ya Mzamiru Yassini.

Hata hivyo Lipuli walirejesha bao hilo dakika nne baadae, mfungaji akiwa Kwasi Asante aliyefunga kupitia mpira wa adhabu nje kidogo ya 18.

Licha ya juhudi zilizofanywa na kikosi cha Simba kwenye kipindi cha pili, safu ya ulinzi ya Lipuli inayonolewa na Selemani Matola iliweza kuondoa hatari zote langoni mwao.

Matokeo hayo hayajawafurahisha mashabiki wa Simba ambao walihitaji ushindi kwenye mcheoz huo ili kujiimarisha kileleni.

Kama Azam FC itaifunga Mtibwa Sugar basi itaweza kuiondoa Simba kileleni na kuongoza ligi.

Bado benchi la ufundi linahitaji kufanya jitihada zaidi kuhakikisha michezo hii inayopigwa kwenye dimba la Taifa Simba inaondoka na alama zote tatu.

Ligi huenda ikawa ngumu zaidi kwenye mzunguuko wa pili na haitakuwa rahisi sana kujihakikishia ushindi kwenye michezo itakayopigwa mikoani.