Mabingwa watetezi wa ligi kuu ya Tanzania Bara Simba leo Alhamisi watashuka katika dimba la Taifa kuikabili Mwadui Fc kwenye mchezo wa ligi kuu ya Tanzania Bara mzunguuko wa 25
Baada ya kubanwa na majukumu ya Kimataifa kwa wiki kadhaa, Simba leo saa moja jioni inarejea uwanjani kuwapa furaha mashabiki wake
Mchezo huo pia utakuwa sehemu ya maandalizi ya kikosi cha Simba ambacho Jumanne ijayo kitaikabili Ah Ahly katika mchezo wa ligi ya mabingwa
Meneja wa Simba Patrick Rweyemamu amesema maandalizi ya mchezo huo yamekamilika.
Ukiondoa wachezaji majeruhi wa muda mrefu, wengine wako katika hali nzuri tayari kwa mchezo huo
Simba inashika nafasi ya tano kwenye msimamo wa ligi ikiwa na alama 33.
Hata hivyo ina michezo 10 pungufu ya KMC na Lipuli zinazoshika nafasi ya nne na tatu, michezo saba pungufu ya Azam na nane pungufu ya Yanga inayoongoza ligi ikiwa na alama 55
Kimahesabu, Simba itaweza kuongoza ligi kama itashinda michezo yake yote ya viporo
Simba imedhamiria kutetea ubingwa wake, ushindi ndio matokeo ambayo Wana Msimbazi wanahitaji leo
