Msafara wa JS Sauora, wapinzani wa Simba kwenye mchezo wa ligi ya mabingwa umewasili usiku wa kuamkia leo ukiwa na watu 60 waliojumuisha wachezaji, benchi la ufundi, waandishi wa habari na mashabiki
JS Sauora imetua nchini ikiwa na Mtanzania Thomas Ulimwengu aliyejiunga na timu hiyo hivi karibuni
Ulimwengu amesema amefarijika kurudi nyumbani na ana matumaini makubwa kuwa watafanya vizuri kwenye mchezo wa kesho
"Nina furaha kurudi kucheza tena nyumbani, Simba ni timu nzuri lakini sisi tumejiandaa kwa ajili ya kupambana nao," amesema
Wakati Sauora wakitua, wenyeji wao, Simba wameendelea kujifua kujiandaa na mchezo huo ambao lengo kuu ni kuondoka na alama zote tatu.
Kocha Mkuu wa Mabingwa hao wa Tanzania Bara Patrick Aussems amesema amekiandaa kikosi chake kikamilifu na ana matumaini makubwa kuwa wataondoka na alama zote tatu dhidi ya wapinzani wao hao kutoka nchini Algeria
