Msemaji wa klabu ya Simba Haji Manara leo atazungumza na waandishi wa habari kueleza mikakati ya mchezo wa ligi ya mabingwa dhidi ya JS Saoura utakaopigwa Jumamosi ijayo Januari 12, 2019 kwenye uwanja wa Taifa jijini Dar es salaam.
Simba iko visiwani Zanzibar ikishiriki michuano ya kombe la Mapinduzi ikiwa imeshinda michezo yake yote miwili iliyocheza dhidi ya Chipukizi (4-1) na jana KMKM (1-0)
Mabingwa hao wa Tanzania Bara watalazimika kugawa kikosi ili wachezaji wengine warejee jijini Dar es salaam kuendelea na maandalizi ya mchezo wa ligi ya mabingwa
Katika michuano ya kombe la Mapinduzi Simba iko katika nafasi nzuri ya kutinga nusu fainali na huenda ikaendelea kuwepo visiwani Zanzibar hadi wiki ijayo michuano hiyo itakapokuwa inafikia tamati Januari 13 2019
