Mabingwa wa soka Tanzania Bara Simba wameanza vyema michuano ya kombe la Mapinduzi inayofanyika visiwani Zanzibar baada ya kuifumua Chipukizi Fc mabao 4-1 katika mchezo uliopigwa dimba la Amaan Ijumaa usiku.
Simba ilitumia mchezo huo kujaribu baadhi ya 'mashine' zake kuelekea mchezo wa ligi ya mabingwa barani Afrika utakaopigwa Jumamosi ya Januari 12 2019 dhidi ya JS Soaura.
Mabao ya Simba yalifungwa na Meddie Kagere aliyepachika mabao mawili, Nicolas Gyan na nahodha John Bocco wakati bao la kufutia machozi kwa upande wa Chipukizi lilifungwa na Kilongozi.
ADVERTISE HERE
