Kocha Mkuu wa Yanga Mwinyi Zahera amekuwa maarufu sana miongoni mwa makocha wanaofundisha ligi kuu ya Tanzania Bara kutokana na tabia yake ya kuzungumza sana.
Jana wakati akihojiwa katika kipindi cha nyundo ya Baruani, mtangazaji wa kipindi hicho Baruani Muhuza alimuuliza ni wachezaji gani watano ambao anawakubali zaidi katika klabu ya Simba?
Zahera aliwataja John Bocco, Meddie Kagere na Clatous Chama 'CCC' huku akiongeza kuwa wachezaji wengi wa Simba ni wazuri lakini yeye angependelea zaidi kufanya kazi na wachezaji hao watatu.
Aidha kocha huyo ameipa Simba nafasi ya kufanya vizuri kwenye michuano ya ligi ya mabingwa barani Afrika akieleza kuwa kipindi hiki hakuna timu ndogo kwenye mashindano ya Afrika.
Amesema Simba ina nafasi ya kutinga robo fainali sawa na wapinzani wake Al Ahly, AS Vita na JS Saoura kinachohitajika ni kufanya maandalizi ya kutosha tu.
