Mabingwa wa soka Tanzania Bara Simba leo Jumapili Disemba 23 2018, saa kumi jioni wanashuka kwenye uwanja wa Taifa kuikabili Nkana Fc katika mchezo wa marudiano wa ligi ya mabingwa barani Afrika, raundi ya kwanza.
Baada ya kupoteza kwa mabao 2-1 katika mchezo wa kwanza uliopigwa nchini Zambia wiki iliyopita, Simba ina nafasi ya kupindua matokeo leo na kutinga hatua ya makundi ya michuano hiyo mikubwa kabisa barani Afrika baada ya AFCON.
Ushindi wa bao 1-0 utatosha kuwavusha mabingwa hao wa nchi kwenda makundi.
Ni mchezo ambao ulikuwa ukisubiriwa kwa hamu na mashabiki wa soka nchini. Siku ya leo mashabiki wa Simba hawahitaji kingine zaidi ya kuiona timu yao inatinga hatua ya makundi.
Viingilo vya mchezo huo 'vilirahisishwa' ili kuwapa nafasi mashabiki wengi kujitokeza kwa wingi uwanja wa Taifa ili kuipa sapoti Simba kuhakikisha inapata matokeo ya kuweza kuivusha hatua inayofuata.
Majukwaa ya VIP viingilio ni Tsh 20,000/- Tsh kwa Tsh 10,000/- wakati upande wa mzunguuko kiingilio ni Tsh 3,000/- tu.
Mgeni rasmi katika mchezo huo atakuwa Waziri wa Viwanda, Biashara na Uwekezaji, Mh. Joseph Kakunda.
KILA LA KHERI WEKUNDU WA MSIMBAZI
