Maandalizi mazuri yatatubeba mechi ya Ndanda - Bocco

Nahodha wa kikosi cha Simba John Bocco amesema wana matumaini makubwa ya kuibuka na ushindi kwenye mchezo wa leo dhidi ya Ndanda kutokana na maandalizi mazuri waliyofanya.

Akizungumza mapema leo kuelekea mchezo huo utakaopigwa saa kumi kamili jioni na kurushwa mbashara na Azam Sport 2, Bocco amesema wanawaheshimu wapinzani wao kutokana na kuwa watakuwa wanacheza kwenye uwanja wao wa nyumbani.

"Tunawaheshimu Ndanda kwa kuwa watakuwa wanacheza katika uwanja wao wa nyumbani. Lakini naamini maandalizi tuliyofanya yatatuwezesha kuondoka na alama zote tatu leo," amesema Bocco.

Simba itakutana na Ndanda leo ikiwa na rekodi nzuri ya kushinda katika uwanja wa Nangwanda Sijaona utakaopigwa mchezo huo leo.