Wydad Casablanca mabingwa wapya Africa

Wydad Casablanca imetwaa ubingwa wa AFrika kwa mara ya kwanza baada ya miaka 25 kwa kuilaza Al Ahly bao 1-0 na hivyo kuondoka na ushindi wa jumla wa mabao 2-1 baada ya sare ya bao 1-1 katika mchezo wa kwanza.

Mabingwa hao wa Morocco walijipatia bao pekee kupitia kwa mshambuliaji wake Walid El-Karti katika kipindi cha pili.

Wydad Casablanca imepokea ubingwa kutoka kwa Mamelodi Sundowns ambayo iliishinda timu nyingine ya Misri Zamaleki kwenye mchezo wa fainali msimu uliopita.

Wydad Casablanca itashiriki michuano ya vilabu bingwa duniani inayotarajiwa kuanza kati ya Dec 6-16 huko UAE.