TFF yaweka hadharani viingilio Ngao ya Jamii

Mchezo wa Ngao ya Jamii kati ya Simba dhidi ya Mtibwa Sugar utapigwa Jumamosi ijayo, August 18 2018 kwenye uwanja wa CCM Kirumba mkoani Mwanza.

Jana Shirikisho la soka nchini (TFF) liliweka hadharani viingilio vya mchezo huo ambapo kiingilio cha chini kabisa ni Tsh 5,000/- Mzunguuko.

Jukwaa la VIP ni Tsh 10,000/- huku watoto wakitakiwa kulipa Tsh 1000/- tu kuushuhudia mchezo huo.

Simba tayari imeondoka jijini Dar es salaam ikiweka kambi mkoani Arusha kabla ya kukwea pipa kwenda mkoani Mwanza Alhamisi.