Kaseke havumi lakini ni hatari

Msimu huu kiungo mshambuliaji Deus Kaseke ameshiriki michezo 18 kati ya 23 ambazo Yanga imecheza kwenye ligi

Ameanza katika michezo 12, ni mechi mbili tu ambazo alifanikiwa kumaliza dakika 90

Jumla ya michezo nane, Kaseke amecheza sio zaidi ya dakika 60

Ndiye kinara wa kuzifumania nyavu akifunga mabao sita na kutoa pasi nne za mabao

Kwa takwimu zake, nadhani kuna mahali Yanga ingefanya vizuri zaidi kama Kaseke angeaminiwa na kupewa muda zaidi wa kucheza

Kuna wakati Kaseke na Yacouba walitengeneza 'pacha' ya hatari lakini baada ya Yacouba kupata majeraha ni kama Cedric Kaze akapoteza imani kwa Kaseke

Kaseke ni sawa na 'jembe kuu kuu' ambalo kuna wakati halionekani kuwa na makali, lakini ndilo linalochimbua visiki vingi