Wakati uongozi wa Yanga ukiendelea na mchakato wa kusuka upya benchi la ufundi, aliyekuwa kocha msaidizi wa timu hiyo Juma Mwambusi huenda akarejeshwa kuiongoza timu hiyo wakati mchakato ukiendelea, imefahamika
Mwambusi aliondoka Yanga baada ya kumalizika michuano ya kombe la Mapinduzi, uongozi ukimruhusu baada ya mwenyewe kuomba aende akatibiwe maradhi ya jino yaliyokuwa yakimsababishia maumivu ya kichwa
Mwambusi alifanyiwa upasuaji Hospitali ya taifa ya Muhimbili, hivi karibuni akinukuliwa na gazeti moja akisema kuwa amepona na yuko tayari kurejea Yanga kuendelea na majukumu yake
Mwambusi ndiye aliyekabidhiwa kikosi cha Yanga mwanzoni mwa msimu kabla ya ujio wa kocha Zlatko Krmpotic
Aliendelea kubaki hata kocha huyo alipotimuliwa na alishirikiana vyema na kocha Cedric Kaze kabla ya kupata changamoto iliyomfanya aondoke
Faida kubwa ambayo Mwambusi anayo ni kuwa anawafahamu wachezaji wote wa Yanga, amefanya nao kazi na pengine yeye ndiye aliyekuwa sababu ya Yanga kufanya vizuri katika mechi za duru la kwanza VPL kwani alipoondoka tu, ndio mambo yakaharibika
Upo uwezekano mkubwa Mwambusi atajumishwa katika benchi jipya la ufundi linalotarajiwa kuundwa akiendelea na majukumu yake ya kocha msaidizi
