Baada ya ile sare ya mabao 3-3 dhidi ya Yanga, majanga yameendelea kuiandama Kagera Sugar ambayo leo imepoteza mchezo wa tatu mfululizo wakipigwa bao 1-0 na Namungo Fc katika uwanja wao wa nyumbani
Kipigo hicho kimepelekea wakata miwa hao kuchukua uamuzi wa kumtimua kocha Meckie Mexime
Katika mechi nyingine zilizopigwa leo, Azam Fc imelazimishwa suluhu ya bila kufungana dhidi ya Mwadui Fc wakati Ruvu Shooting inayonolewa na kocha Charles Mkwasa imezinduka na kuifumua JKT Tanzania mabao 3-0
Ushindani umeongezeka katika duru hii ya pili baadhi ya timu zikipambana kujinusuru na kuteremka daraja
Vinara wa ligi Yanga wao watashuka dimbani kesho Jumapili mkoani Arusha katika mchezo dhidi ya Polisi Tanzania utakaopigwa uwanja wa Sheikh Amri Abeid
ADVERTISE HERE
