Kocha Mkuu wa Yanga Cedric Kaze ameonyesha kutofurahishwa kuitwa kwa wachezaji wake Saido Ntibazonkiza na Dickson Job katika timu za Taifa
Kaze ameeleza kushangazwa na wachezaji hao kuitwa timu za Taifa kwani anafahamu wote ni majeruhi
"Wakati wachezaji bado wapo kwenye majeruhi wanaitwa kwenye timu za Taifa, haioneshi picha nzuri kwa Tanzania hata Burundi kwa sababu hawakuwasiliana na sisi"
"Mchezaji kama Dickson Job aliumia akiwa timu ya Taifa wakati wanajiandaa kwenda CHAN, wakaturudishia mchezaji"
"Ameumia kakaa mwezi tunamtunza na kumfanyisha mazoezi. Sasa hivi amefanya mazoezi mara mbili tu na wenzake unashtuka ameitwa timu ya Taifa"
"Said Ntibazonkiza yupo kwenye majeruhi ya muda mrefu lakini unasikia ameitwa timu ya taifa, ni kitu cha kushangaza sana lakini nitawasiliana na timu za taifa tujue kitu gani wachezaji hao wataenda kufanya wakati ni majeruhi," alisema Kaze
