Baada ya ushindi wa bao 1-0 dhidi ya Ken Gold katika mchezo wa kombe la Shirikisho, Yanga inarudi kwenye mikiki mikiki ya ligi kuu wakisafiri mkaoni Tanga kuifuata Coastal Union
Vinara hao wa ligi kuu watashuka uwanja wa Mkwakwani siku ya Alhamisi, March 04 kuwakabili Coastal Union
Yanga itashuka dimbani katika mchezo huo ikiwa na kumbukumbu ya kushinda mabao 3-0 katika mchezo wa kwanza uliopigwa jijini Dar es salaam
Huu utakuwa mchezo wa kwanza kwa kocha Cedric Kaze dhidi ya Coastal Union kwani wakati anajiunga na Yanga mwezi Oktoba mwaka jana, tayari wananchi walikuwa wameshachukua alama zao tatu kwa Coastal Union katika mchezo ambao Carlinhos, Haruna Niyonzima na Yacouba Songne waliingia kambani
Kaze amesema wanahitaji kushinda mchezo huo ili kuendelea kubaki kileleni mwa msimamo wa ligi ndani ya kampeni yao ya kushinda ubingwa msimu huu
Hata hivyo dimba la Mkwakwani mara nyingi limekuwa sio rafiki kwa Yanga kupata matokeo
Katika misimu miwili iliyopita, Yanga imeshindwa kuondoka na alama zote tatu ingawa pia hawakupoteza mchezo
"Tumefuzu kwenye round ya inayofuata FA Cup, nguvu zetu zote tumezielekeza kwenye mchezo wetu wa ligi kule Tanga dhidi ya Coastal Union tarehe 4 March," alisema Kaze baada ya ushindi dhidi ya Ken Gold juzi
