Kiungo mshambuliaji wa Yanga Carlos Carlinhos amewaomba radhi wachezaji, benchi la ufundi, viongozi na mashabiki kufuatia kadi nyekundu aliyopewa katika mchezo wa kombe la FA dhidi ya Ken Gold uliopigwa uwanja wa Uhuru leo
Katika mchezo huo ambao Yanga iliondoka na ushindi wa bao 1-0, Carlinhos alifanya kosa la kumpiga ngumi mlinzi wa Ken Gold na hivyo kupelekea kuonyeshwa kadi nyekundu ya moja kwa moja
Kadi hiyo itamfanya akose mechi tatu za ligi au FA kwani kanuni za uendeshaji wa michuano ya FA ni zilezile za uendeshaji wa ligi kuu
"Nawaomba radhi mashabiki, wachezaji, benchi la ufundi na uongozi kwa kadi nyekundu niliyopata leo. Naahidi nitarejea nikiwa makini na imara baada ya kumaliza adhabu yangu, nitahakikisha naisaidia timu kufikia malengo yake," alisema Carlinhos
Matukio kama haya huwatokea wachezaji wengi hasa pale damu inapokuwa imechemka uwanjani
Bila shaka Carlinhos atakuwa amepata funzo kuwa wakati mwingine hapaswi kukubali kutolewa mchezoni na kufanya matukio ambayo yanaigharimu timu
