Mshambuliaji wa Yanga Waziri Junior amesema amejipanga kuhakikisha anapata nafasi kwenye kikosi cha kocha Cedric Kaze katika duru hii ya pili ligi kuu ya Vodacom
Waziri alitua Yanga mwanzoni mwa msimu baada ya kufanya vizuri katika kikosi cha Mbao Fc msimu uliopita, akiibuka kuwa mfungaji bora wa timu hiyo akiweka kambani mabao 16 katika mashindano yote
Hata hivyo ndani ya kikosi cha Yanga amekuwa na wakati mgumu kupata nafasi ya kucheza licha ya kuwa ameifungia Yanga bao moja kwenye ligi
"Kila kitu kinawezekana, nasubiri wakati wangu utafika. Kama timu tuna ushirikiano mzuri ndio maana tuko juu kwenye msimamo wa ligi"
"Ningeweza kuondoka Yanga wakati wa dirisha dogo, lakini Mwalimu (Kaze) aliniambia nisiondoke kwa sababu anaamini nitakuwa na nafasi kwenye kikosi chake"
"Jukumu langu ni kuhakikisha napambana ili nikipewa hiyo nafasi niweze kuitumia vizuri," alisema Waziri
Kesho Jumamosi, Yanga itashuka kwenye uwanja wa Uhuru kuikabili Kengold ukiwa ni mchezo wa raundi ya nne michuano ya kombe la FA
Huenda Waziri akapewa nafasi kwenye mchezo huo
