Mwanzoni mwa mwezi March Mwaka 2014 wakati huo Al Ahly wakiwa mabingwa watetezi wa michuano ya ligi ya mabingwa barani Afrika, walikuja nchini kucheza na Yanga raundi ya kwanza ya michuano hiyo
Ulikuwa mchezo ambao Nadir Haroub Cannavaro aliwatoa kimasomaso wananchi kwa kufunga bao pekee lililoihakikishia Yanga ushindi wa bao 1-0
Cannavaro aliweka bao hilo kambani kwenye dakika ya 83 akiunganisha kwa kichwa krosi iliyopigwa na Saimon Msuva
Lakini pia Wananchi hawakuishia hapo, walikwenda kuonyesha kandanda safi kule Misri pamoja na kuwa walikubali kipigo cha bao 1-0 na kulazimisha mchezo kuamuliwa kwa changamoto ya mikwaju ya penati baada ya matokeo ya jumla kuwa sare ya bao 1-1
Ulikuwa mchezo ambao Yanga walikaribia kuwaondosha mabingwa hao watetezi katika michuano ya ligi ya mabingwa kama sio penati ya Said Bahanuzi kupaa juu ya lango
Deo Munish wakati huo akiwa mlinda lango wa Yanga, alikuwa 'onfire' akiokoa penati mbili
Nadir Haroub, Didier Kavumbagu na Emmanuel Okwi walifunga mikwaju yao ya penati wakati Oscar Joshua aligongesha mwamba, Said Bahanuzi akapiga nje huku mkwaju wa Mbuyu Twite ukiokolewa na mlinda lango wa Al Ahly
Katika mchezo huo Yanga iliwakilishwa na kikosi hiki;
1.Dida, 2.Twite, 3.Oscar, 4.Cannavaro, 5.Yondani, 6.Domayo, 7.Msuva, 8.Ngasa/Chuji, 9.DKavumbagu, 10.Okwi, 11.Kizza/Bahanuzi
Kwa wale wasiofahamu, hawa Al Ahly sio mara ya kwanza kuja Tanzania na mara zote wamepigwa kikiwemo kipigo dhidi ya Yanga
Hata wakati huo wanapigwa na Yanga walikuwa ni mabingwa watetezi wa michuano ya ligi ya mabingwa ambayo walishinda mara mbili mfululizo msimu wa 2011/12 na 2012/13
