Mlinda lango wa Yanga Metacha Mnata amesema anamungu mkono mlinda lango mwenzake Farouk Shikhalo anapopewa nafasi ya kucheza
Juzi Shikhalo alicheza mchezo wake wa pili kwenye ligi msimu huu, akipata cleansheet yake ya kwanza dhidi ya Mtibwa Sugar
Metacha amesema Shikhalo amekuwa akimuunga mkono wakati wote anaocheza hivyo naye atafanya hivyo
"Nimefurahi yeye kuanza na nitamuunga mkono ili afanye vizuri. Siku zote ambazo mimi huwa nacheza naye ananiunga mkono sana, sote tunafanya kazi moja ya kuipigania timu," amesema Metacha
Baada ya mchezo dhidi ya Mtibwa Sugar, Kocha Mkuu wa Yanga Cedric Kaze alisema kuwa katika duru ya pili anakusudia kumpa nafasi Shikhalo
"Metacha amecheza mechi nyingi katika duru ya kwanza, wakati huu tutampa nafasi zaidi Shikhalo pamoja na kuwa tutaendelea kumtumia kwenye FA," alisema Kaze
Shikhalo alirejesha imani ya mabosi wake kwenye michuano ya kombe la Mapinduzi iliyofanyika visiwani Zanzibar mwezi uliopita Yanga ikifanikiwa kushinda taji hilo
